بانكی ناوەندی رێژەی خستنەڕوی دۆلاری كەمكردەوە.. گۆڕانكاری رویدا

بانكی ناوەندی عێراق ئەمڕۆ سێشەممە كەمتر لە 185 ملیۆن دۆلاری خستنەبازاڕەوە و بەهای دۆلاریش بەرامبەر بەدینار لەبازاڕەكانی ئاڵوگۆڕی دراو گۆڕانكاری بەسەرهات و بەهاكەی بەرزبۆوە.

ئەمڕۆ سێشەممە بانكی ناوەندی عێراق رێژەی خستنەڕوی راگەیاند كە 183 ملیۆن و 890 هەزار و 982 دۆلاری خستۆتەبازاڕەوە، كە 30 ملیۆن و 670 هەزار دۆلار دۆلاری بەشێوەی كاش و 153 ملیۆن و 220 هەزار و 982 دۆلار دۆلاریشی بەشێوەی حەواڵەیە.

بەهای 100 دۆلار بەرامبەرە بە 153 هەزار دینار

بەگوێرەی ئەو زانیاریانەی لەبازاڕی دۆلارەكەی سلێمانیەوە بە خەندان دراون، بەیانی ئەمڕۆ لەكاتی كردنەوەی بازاڕەكانی ئاڵوگۆڕی دراو بەهای 100 دۆلار بەرامبەر بو بە 153 هەزار دینار، بەڵام لەئێستادا بەهاكەی بەرزبۆتەوە و بەجۆرێك بەهای 100 دۆلار بەرامبەرە بە 153 هەزار و 500 دینار.

ئێوارەی دوێنێ لەكاتی داخستنی بازاڕەكانی ئاڵوگۆڕی دراو بەهای 100 دۆلار بەرامبەر بو بە 153 هەزار و 100 دینار.

دوێنێ دوشەممە بانكی ناوەندی عێراق بڕی 201 ملیۆن و 236 هەزار و 671 دۆلاری خستەبازاڕەوە، كە 25 ملیۆن و 550 هەزار دۆلاری بەشێوەی كاش و 175 ملیۆن و 686 هەزار و 671 دۆلاریشی بەشێوەی حەواڵە بو.

زانیاری نوێ لەبارەی ناردنی موچەی فەرمانبەران لە بەغداوە ئاشكرادەكرێت

د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رایدەگەیەنێت، بۆ ئەم مانگە و بەپێی یاسای بودجە شایستە داراییەكانی هەرێمی كوردستان دەنێردێت و چاوەڕوانیشدەكرێت لە 18ی ئەم مانگەوە موچەی فەرمانبەران بنێردرێت.

د. نەرمین مەعروف لەلێدوانێكدا بەكوردسات نیوزی راگەیاند، لەدوای 25ی (ئازار/3)ی ئەمساڵەوە حكومەتی هەرێمی كوردستان نەیتوانیوە نەوت بفرۆشێت، بۆیە لەوكاتە بەدواوە تەواوی شایستە داراییەكانی هەرێم و موچەی فەرمانبەران لەئەستۆی حكومەتی فیدڕاڵیە.

پشكی هەرێم لە یاسای بودجەدا، 12.67% لەدوای دەرکردنی سیادە و حاكیمە پشكی هەرێم بڕی 14 ترلیۆن و 730 ملیار دینار دەبێت

وتیشی، “پشكی هەرێم لە یاسای بودجەدا، 12.67% لەدوای دەرکردنی سیادە و حاكیمە پشكی هەرێم بڕی 14 ترلیۆن و 730 ملیار دینار دەبێت، ئەم پشكەی هەرێم لەگەڵ هەندێك مافی دیكەدا هەندێك پابەندبونی تێدایە ئەویش رادەستكردنی 400 هەزار بەرمیل نەوت و رادەستكردنی داهاتە نانەوتیە فیدڕاڵیەكانە بە بەغدا، بەڵام ئەمە بە هەڵپەسێردراوی ماوەتەوە، مۆڵەتی مانگێك هەیە لەنێوان هەرێم و بەغدا هەیە بگەنە تێڕوانینێكی هاوبەش لەسەر ئەو بابەتە و چارەسەركردنی كێشەكە”.

لەرۆژی 1ی (كانونی دوەم/1)ی 2023ەوە هەرێم هەندێك مافی هەیە لەسەر عێراق

سەبارەت بەناردنی بودجە لە بەغداوە بۆ هەرێم، د. نەرمین مەعروف ئاشكرایكرد، “وەزیری دارایی تەنها دەسەڵاتی خەرجكردنی لەلا هەیە و لەسەر بنەمای راپۆرتەكان لەلایەن دیوانی چاودێری دارایی هەرێم و بەغدا دەتوانێت تەواوی شایستە داراییەكانی هەرێم بنێرێت، ئێستاش پاكتاوی دارایی ماوەی چەند رابردو لەنێوان هەرێم و بەغدا دەكرێت، لەرۆژی 1ی (كانونی دوەم/1)ی 2023ەوە هەرێم هەندێك مافی هەیە لەسەر عێراق، لە 25ی (ئازار/3)ی هەرێم مافی تەواوی شایستە داراییەكانی لەلای عێراق هەیە، لەدوای قەرزەكانی بانكی بازرگانی و ئەو پارانەی چەند جارێك وەكو پێشینە وەریگرتوە كە بڕەكەی دو ترلیۆن و 600 ملیار دینارە لەكۆی ئەو پارەیە دەردەكرێت كە هەرێم مافیەتی لەسەر عێراق و پاشانیش ئەوەی دیكە دەنێردرێت”.

ئەو پاكتاوە داراییە كۆتایی پیبێت بێگومان پارەی زیاتر لە موچەیەك بۆ هەرێم رەوانە دەكرێت

دەشڵێت، “ئەو پاكتاوە داراییە بۆ حەوت مانگی رابردو لەلایەن لیژنەی هاوبەشی دیوانی چاودێری دارایی هەرێم و بەغدا ئەگەر كۆتایی پیبێت، بێگومان پارەی زیاتر لە موچەیەك بۆ هەرێم رەوانە دەكرێت”.

بۆ ئەم مانگە تەواوی شایستە داراییەكان بۆ هەرێم دەبێت بنێردرێت

ئەوەشی رونكردەوە، “ئەگەر پاكتاوی داراییش تا ئێستا تەواو نەكرابێت، بۆ ئەم مانگە تەواوی شایستە داراییەكان بۆ هەرێم دەبێت بنێردرێت، پشكی موچەی فەرمانبەرانیش بەتەواوی دەنێردرێت، لەبەرئەوەی ئەم مانگە هیچ رێكارێكی یاسایی و دارایی نەماوە لەبەرامبەر ناردنی پشكی هەرێم”.

لەبارەی دابەشكردنی موچەی فەرمانبەرانی عێراق د. نەرمین مەعروف رایگەیاند، “لە 18ی هەمو مانگێك و لەماوەی هەفتەیەكدا موچەی فەرمانبەرانی عێراق دابەشدەكرێت، چاوەڕواندەكەین لەو وادەیەوە پشكی هەرێمی كوردستان بنێردرێت”.